成日都話留情不留種，如果好似英格蘭國腳達寧咁，無端端做咗人哋老竇都唔知，咁就真係大件事嘞！我求大俠好明白人不風流枉少年，達寧話晒得嗰22歲仔，正係血氣方剛之年，話說佢早年背住女友同個叫當娜嘅女仔搞埋後「𡁻完鬆」，於早兩日當娜就帶住佢兩個嘅愛情結晶品搵上門，搞到達寧一頭霧水仲兼俾「元配」飛埋。