上季日職聯雙料冠軍浦和紅鑽，球季未正式開鑼就落筆打三更，喺超級盃0:4負大阪飛腳；最慘係上季日職聯MVP田中鬪莉王喺比賽中受傷，好可能錯過周六對FC橫濱嘅聯賽揭幕戰。我求大俠今季都幾唔睇好呢隊紅鑽，因為前德國籍教練巴治禾同主力三都主分別離隊，成隊波幾乎要從頭嚟過，想再次衞冕聯賽同天皇盃都幾難喇！