攝影師說CANON發布MarkIIN的新款，EOS-1DMarkIII。心想，每個星期有不少新相機推出，有何特別。
攝：這部機每秒可以拍攝10張相片，最多可達110張的Jpeg或30張Raw相片。
記：本報前幾日都介紹過CASIO新出的卡片機，一秒可拍７張相，單鏡機一秒拍10張相有何稀奇。
攝：一般單鏡機的色頻只是12-bit，新機的處理能力提升至14-bit喎！
記：咁即係點？
攝：即係啲相片嘅顏色會豐富咗，層次多啲，影相都靚啲。
記：哦！
攝：單鏡機的標準ISO是100-3200，這部機可以有兩個ISO延伸選項即ISO50和ISO6400。
記：好少會用到ISO6400。
攝：有時影新聞或運動，唔可以用閃光，高ISO就有優勢。
記：LCD顯示屏都幾大，有3吋大。
攝：係，仲有LiveView，可以不用ViewFinder，睇Mon影相都得，不過，這不是重點。好多人覺得相片唔夠Sharp，有失焦問題，但這部機有一個功能，可以自行調焦，解決了過去移焦要送返廠調校的問題。
記：講咁耐，你想買？
攝：這部機適合愛影運動或生態環境的專業用家多啲。
記者：馬靜兒
Bytheway
記者寫得未夠中肯，可能怕開罪相機代理，所以還欠一個重點：「攝影師先生，咁樣你即係會唔會買？」
攝影師技術好，一般工作用不着這部頂級機，所以答案是：「唔會。」
「咁幾時先會考慮買？」
「要將相片放大至全版報紙，或者做突發新聞，唔……最有可能係無端端中咗六合彩喇。」他們身經百戰，每日拍攝照片的種類包羅萬有，但都未考慮買這部CANONEOS-1DMarkIII，這不是MarkIII操作上有問題，而是這類DC的功能已超越一般人所需；你有錢，當然可以買來玩玩，但沒有這種需要而去買，不是SmartBuy。
由於不是SmartBuy，所以大部份朋友見到你擁有這部MarkIII，只會憎人富貴厭人窮：「嘩，新機呀，好威喎。」（心想：白癡，你都用唔着，買嚟做乜鬼，影啲相咪又係咁渣斗。）
記者訪問的攝影師，間中會替《REVIEWS手機》版拍攝，他經常用FujiS600半儍瓜機。問他怎麼不用大機？「輕嘛，夠方便，前世未重過呀。」這就是Smart。
文：伍旋卓