自問對塔羅占卜好有興趣，不過上門搵塔羅師問事，一次收費百幾二百蚊，咪話唔肉赤！於是就上網睇吓有冇啲免費嘅塔羅占卜網，見到有唔少網友推介由「中華塔羅學會」主理嘅免費網，睇一睇，全個網站用Flash砌，求問者可以自行選擇使用牌數、洗牌及切牌方式等，非常互動。內容方面亦頗充實，共有20種不同牌陣，仲解釋埋每個牌陣嘅用途，占愛情、事業、時運甚至連寵物嘅運程都有，非常適合對塔羅牌零認識嘅人。解牌方面就比較簡單，但如果你唔明白結果，可即時將成副牌email畀塔羅師，等專人幫你解牌，塔羅師選擇有成十多位，真係好筍喎！
記者：小雲
網址：my.so-net.net.tw/ekas/flash/cta.swf