美國國際集團（AIG）高級副主席、兼友邦保險主席暨行政總裁謝仕榮（Edmund），噚日帶埋個女Ada（謝貫珩）出席傳媒新春團拜，謝貫珩現職該集團（亞洲）投資公司嘅亞太區總裁，平常甚少公開露面，噚日即使有到新春團拜現場，亦冇久留及參加春茗。
謝貫珩本身係香港人，曾經喺台灣居住多年，呢位哈佛女生本身係應用數學系學士，又獲哈佛法學院學位，96年9月加入AIG，即係做咗超過十年，唔知老竇會唔會搵佢接班呢？
Edmund同個女一樣，噚日好快鬆人，佢向在場人士派發利是兼簡短致辭後，就趕去另一個飯局，不過睇嚟佢都好鍾意足球，臨離開前談及曼聯周六以2比1擊敗富咸時，Edmund邊走邊急呼話曼聯贏得「好險！」梗係啦，AIG今年贊助曼聯，當然好緊張佢哋嘅表現。
[email protected]