華華噚日睇英國《星期日郵報》，發現一單幾有趣嘅新聞。該報話本月初，擁有上海市委報紙《解放日報》嘅解放日報集團，整咗個訪問團去倫敦，並曾經同佢哋市長KenLivingstone會面。據記者八番嚟，原來解放日報集團想探究吓有冇機會可以響倫敦上市，而且已經開始了解，響外地上市需要有咩承擔喎，如果成事，就會係首家內地媒體響海外上市。
近年發展進取
雖然解放日報集團近年發展甚為進取，已經成為跨媒體大集團，但係佢哋同解放軍嘅關係仍然好密切，事關一切黨嘅政策，都會「經過《解放日報》同新華社向全國宣達」，《解放日報》仲係第一把手如之前嘅江澤民同埋𠵱家嘅胡錦濤，一個最重要發言陣地之一。
大陸最講究政治正確，咁你話成個集團攞去倫敦上市有幾大機會呢？華華估計，最多只會拎的「邊皮」業務試吓水咁啦。
[email protected]