「金馬成」鹹魚翻生，有事業當然希望有愛情，眼見「日出天王」搭上名模後愛得癡纏，即時照辦煮碗同名模「袋冧」火速戀上，不過佢兩個嘅戀情只係維持幾個月就玩完，原因咪係一個衰貪心，一個衰孤寒囉！
金馬成一向孤寒人哋，闊佬自己，成日話自己孝順，但佢阿媽仲住喺舊屋，美其名就話唔捨得啲街坊，但實際上金馬成都冇諗住買間靚屋畀阿媽享福，反而佢自己就成日買車，仲要架架成千萬。袋冧一黐上金馬成後，即利用對方令自己人氣急升，又要金馬成租屋佢住，又要買名牌，本身仲想要錢過手，但金馬成咁孤寒，邊會理佢吖，女方咁大貪，又成日放料，金馬成咪急急腳走人囉！
Textby關仁