鍾鎮濤（阿B）前日54歲生日，溫拿其餘四虎於晚上演唱會帶領全場觀眾唱生日歌為他慶祝，加上昨日年初七人日，阿B笑言過了個馬拉松生日，由大前日開始不停有人祝他生日快樂，直到昨日還在過生日。他已收到超過10個蛋糕，還有不少豐厚的利是，如果一年365日都是生日，豈不發大達？
溫拿前晚年初六在紅館演出第六場演唱會，適逢鍾鎮濤54歲生日，溫拿其餘四虎前日下午已在紅館後台為他舉行生日會，晚上演出至尾聲時，阿倫突然叫陳友表演他最拿手的歌曲，陳友便帶領全場觀眾合唱生日歌送給阿B，有工作人員捧着生日蛋糕上台，阿B開心得不停大笑。
「真係無憾」
阿B許願及吹蠟燭後說：「呢排真係我呢幾年嚟過得最開心嘅日子，亦都係我呢幾年嚟過得最開心嘅一個生日，我媽媽又特登喺三藩市返嚟睇我，契媽又喺度，家人朋友都坐晒喺度，仲有班咁好嘅觀眾，真係無憾。」後來阿B看見坐在台下跟着音樂跳舞的細女鍾懿，還即興抱她上台一齊唱一齊跳。
前晚除了阿B母親、女友范姜及兩位女兒鍾嘉晴及鍾懿外，林文龍及郭可盈夫婦、劉以達夫婦及吳家樂夫婦、Kellyjackie、阿倫妹妹及妹夫等，還有來自北京及上海的歌迷都有捧場。林文龍帶了生日蛋糕送給阿B，加上歌迷們送的蛋糕，阿B一日內切了10多個蛋糕，他昨日在電話中說：「噚日唱得最多嘅一首歌係《HappyBirthday》，今年過咗一個馬拉松生日呀，由22號已經開始有人祝我生日快樂，到今日出街都仲有人祝緊我生日快樂，我梗係又祝番人生日快樂啦，因為今日人日，人人都生日嘛，都未試過連續兩日都生日，幾過癮㗎。」
利是收穫豐
由年初一開始，幾乎每日演出時都有不少觀眾送上利是給五虎，阿B謂雖然前晚派利是的人不算多，但收穫卻很豐富，他說：「雖然我未拆，但啲利是都好厚㗎，應該唔少嘢，我將今年收到嘅利是喺完晒騷一次過先拆，跟住會同埋兩個女啲利是儲埋一齊，留番佢哋做讀書基金。」
採訪、攝影：胡比
