REVIEWS影碟：Fans話<br>"打得好睇但唔靚仔，要換人！"

REVIEWS影碟：Fans話
"打得好睇但唔靚仔，要換人！"

名牌效應可以救回整套戲，即使新一代的占士邦被人批評無型兼唔靚仔，但看在007JAMESBOND這名牌，一樣有大批Fans湧住去，仲邊睇邊鬧囉！不過，兩位占士邦Fans異口同聲讚製作好，特別是動作場面，新任占士邦都好打得，不枉場場都頭破血流。
記者：馬靜兒
攝影：楊錦文

車廂解毒必睇

占士邦Fans施介強收藏的主要是資料和書籍。儲了廿多年，以為他花很多錢在其收藏品，原來很多都是朋友送贈的，而部份唱片和書甚至是日本的朋友專程送給他。
「今次的占士邦外形不及Pierce，但佢好打得，動作戲較多，套戲全靠製作做得好。我最喜歡占士邦在牌局中毒，返回車廂中解毒一幕，我好有興趣睇佢點樣幫自己解毒。戲中在東歐和威尼斯取景，但不大喜歡整套戲刻意營造深沉的Tone。我畀75分！」

FANS1號

●這對腳其實並不屬於戲中邦女郎，是另聘Model影的。

●肥施說唔捨得用007的電話繩。

●日本朋友送的日文版唱片，是肥施的至愛之一。

最好睇地盤打鬥和機場爆炸

「愛看占士邦是愛佢Fantasy的世界，今集麻麻哋又無武器，無大型基地，男主角唔型，女主角又似小丑，最好睇是開頭的地盤打鬥和機場爆炸的場面。我只畀60分。」
「故事講占士邦剛剛成為特務，即占士邦年輕時代，點解男主角的外形比上一集的PierceBrosnan仲要老。」
啱喎，記者都咁話，好多朋友都投訴，睇完全齣戲，佢都無一個鏡頭有型。最好下集換人啦！可能故事背景較現實，無晒占士邦電影天馬行空的煞食感覺。

FANS2號

●胡慧冲極瘋狂，全屋以占士邦為主題，占士邦毛巾、占士邦Poster、占士邦Figure擺滿一屋，他最喜歡羅渣摩亞做的占士邦。

●Fans話最養眼係呢幕。

故事概略

007（丹尼爾基克飾）成為特務後，首項任務是深入罪惡之城，對付賭場的大莊家兼國際恐怖分子首領LeChiffre，將整個恐怖組織一舉殲滅。占士邦要在賭桌上與LeChiffre一較高下；同時，政府派來秘密特務VesperLynd（依娃格蓮飾）就為占士邦準備賭注，並暗中監視他的舉動。兩人於執行任務期間以身犯險，危難中二人互生情愫，卻換來更致命的襲擊，兩人性命岌岌可危……

邦女郎以前靚好多

BonusTrack有第6任占士邦成「邦」之路，戲中多場驚險鏡頭的拍攝情況和電影主題曲MTV。不過，男主角唔夠型，靚仔又唔夠靚仔，佢點成為新一代占士邦我無興趣知，反而過往多位邦女郎的訪問，比電影本身好睇。論美貌，以前咁多齣占士邦的邦女郎都比今集的EvaGreen靚好多，真的稱得上是美人。