韋斯咸球星舒寧咸已經四張嘢，今季亮相綠茵場嘅機會唔多，但床上雄風依然，日前俾英國小報大爆佢同前英國小姐丹妮莉再度撻着──只係幾晚咁多啫！「咸哥」唔知扯起邊條根，早排又搵番呢名身材惹火嘅美人，而後者照舊嗒糖，可惜神女有心，「咸哥」同靚女翻雲覆雨幾晚後，再次飛咗人，都算係「𡁻完鬆」嘅最佳示範咯！