轉為地下情發展的混血名模Rosemary及男友Christopher，昨日情侶檔出席預祝元宵佳節活動，但Rosemary箍煲成功，阿媽Julie卻失蹤多天，她謂全家上下都聯絡不上母親，極度憂慮，Rosemary更公開呼籲尋母，真頭痕。Julie媽見字請回覆，家人掛念啊！
名模Rosemary與男友Christopher昨日以情侶檔現身新太陽廣場，為預祝元宵佳節活動嘉賓，同場更與一對對情侶玩搓湯圓遊戲，其中一對準新人參賽者為失明人士鍾思宏，他曾在無綫節目《一擲千金》中向女友羅勁燕成功求婚，場面溫馨。
情人節玩Surprise
因多次拍拖屢交損友及在母親Julie壓力下，Rosemary早前對外聲稱與Christopher轉為友好關係，實質轉為地下情發展，故現場二人都表現拘謹，當一對對互相餵吃湯圓及互吻時，Christopher更作狀就位，之後又獨自離去，留下女友Rosemary應付傳媒。
問Rosemary為甚麼不與Christopher咀嘴時，她說：「我哋係朋友，係朋友之間互相支持。」問到她情人節如何度過時，她卻自爆說：「我2月10號去咗悉尼工作，佢（指Christopher）喺2月14日現身，我哋留多一個星期玩，好amazing。」
早有出國前科
此外，Rosemary十分憂慮地呼籲現場記者助她尋找母親Julie，她說：「原本新年好開心，媽咪已經安排好晒啲節目，佢𠵱家失蹤咗，連爹哋、細佬都搵佢唔到，我哋打電話搵佢唔到，我好worry佢，因為我好愛佢，佢之前都曾經試過唔出聲去咗德國，不過我知道媽咪啲客戶聯絡到佢。」
問會否因為Christopher的關係，所以Julie媽玩失蹤，Rosemary說：「其實之前已經同佢講咗我哋係朋友關係，佢都知，𠵱家希望搵番佢。」
採訪、攝影：GeneNg
