關仁一直好奇怪，「七叔」當年喺影壇呼風喚雨，身邊美女如雲，但佢有咁多絕色美女唔揀，偏偏鍾意「七嬸」，究竟七嬸有乜嘢魅力咁吸引佢呢？直至早排關仁同一位前輩傾開偈，先至知道七嬸當年原來靠幾蚊雞冧掂七叔。
唔肯搭的士
聽前輩講，當年七嬸經常幫七叔開嘅戲唱主題曲同插曲，因為七嬸習慣夜晚錄音，往往錄到凌晨先至走，咁七叔以前對待員工都算唔錯，有次佢行過錄音室，見七嬸好夜都未收工，於是攞咗張10蚊出嚟，諗住畀七嬸搭的士返屋企，點知七嬸點都唔肯收嗰10蚊，佢同七叔講，話自己唔鍾意搭的士咁奢侈，叫七叔畀啲錢佢搭巴士就已經好足夠。平日七叔見慣啲揮霍女星，聽到之後咪覺得七嬸份人好踏實，同其他女星好唔同，跟住咪慢慢對佢產生好感囉！
Textby關仁
