楊愛瑾（Miki）昨日到鑽石山出席「慈善金豬儲蓄大行動」，與三位小朋友齊唱賀年歌，並在一隻巨型金豬錢罌上打手印，呼籲小孩自幼養成儲蓄習慣。Miki前日結束日本五天假期返港，她說：「五日入面我瞓足三日，之前話過今次係去relax，唔會好似以前咁瘋狂shopping，搞到個人攰晒。所以得兩日去買嘢，帶咗3,000港紙去都用唔晒，啲嘢都好平，不過大部份都係簽卡。」
Miki發覺此行最佳娛樂並非購物，而是浸溫泉，她說：「我哋成班朋友包團去，導遊話個泉好安全，唔會有人偷影，但係同朋友玉帛相見好尷尬，又唔敢除衫，好彩有條洗面毛巾啱啱遮到晒啲重要部位，又搞笑又好玩。」
採訪、攝影：魯萍