收到風，澳洲足總想搵里昂教練侯利亞以兼職形式教國家隊，情況就好似之前嘅軒廸克一樣。對於侯利亞嚟講，佢教嘅里昂喺法國打橫行，但又唔似可以揚威歐洲，有時間搵其他挑戰，順便𢭃兩份糧當然好。不過諗深一層，里昂近期聯賽失分唔少，加埋個別主將走下坡，將來未必可以橫掃國內，侯利亞仲想分心？你肯里昂都未必肯。