農曆新年假期結束，打工仔收拾心情返工，在新春第一個工作日，中國人傳統由老闆派開工利是，寓意新一年工作順利。不過，並不是人人收到開工利是都會高興，有網民大呻開工利是竟然只有1蚊雞，「唔派好過派。」
「做吉儀咩！」
網民bin形容他任職的是「垃圾公司」，新春開工利是竟然只有1元；對此不少網民都感到詫異，有網民認為bin的公司非常刻薄，「星期六買旗都比兩蚊啦！」網民hahadogdog諷刺地說：「1蚊真係搭叮叮（電車）都唔夠啦！」亦有網民稱：「1蚊？做吉儀咩！好似白事先係單數，仲要係1蚊，紅色利是多數都係雙數！」不過，亦有人認為聊勝於無，事關不少公司根本不派開工利是，siulung說：「畀係人情，唔畀係道理。」