新年流流，屋企唔少得嘅梗係一個全盒啦，放啲糖冬瓜、糖蓮子、朱古力……招呼吓嚟拜年嘅親朋戚友；問題係一過咗年，阿媽就會話：「剩番咁多嘢，點搞好呢？」咁又係嘅，啲糖果未壞，冇理由掉晒佢咁浪費啫！其實，想物盡其用好簡單，只要動少少腦筋，就可以將全盒食品變為美味餸菜甜品，小朋友捧場之餘，大人都食到唔停口呀！
記者：林佩婷
攝影：周旭文
Model：Michelle
示範：烹飪導師鄧敏琪
（[email protected]）
糖蓮藕青瓜炒肉片
需時：40分鐘
價錢：$20/4人
材料：糖蓮藕8片、鹽1/2茶匙、青瓜1條、瘦肉160克、薑米1茶匙
醃料：醬油1湯匙、粟粉1茶匙
做法：糖蓮藕用熱水浸30分鐘瀝亁；青瓜洗淨切片；瘦肉切片，用醃料醃15分鐘備用。燒熱鑊加1湯匙油爆香薑米，加入肉片炒至轉色，再加入糖蓮藕、青瓜片炒至熟，最後落鹽調味即可。
貼士：用熱水浸糖蓮藕目的是將部份糖清除。
糖蓮子露
需時：30分鐘（未計浸米時間）
價錢：$15/4人
材料：糖蓮子220克、米100克、清水4杯、熱水1杯
做法：米洗淨，用水浸過夜，隔水。糖蓮子用1杯熱水浸15分鐘，再與米/清水分次放入攪拌機中，磨成蓮子米漿，隔渣後，以慢火煮滾至稠。（可放入數粒完整糖蓮子點綴。
貼士：因糖蓮子已夠甜，所以不必再加糖。用熱水浸能令蓮子軟身，攪拌時較容易。）
年糕豆沙夾餅
需時：10分鐘
價錢：$20/2人
材料：年糕8片、豆沙適量、米紙4張、油少許
做法：在一片年糕中央放上適量豆沙，再將另一片年糕放上面。燒熱易潔鑊加少許油，放入夾有豆沙的年糕，用小火慢慢煎至兩面金黃色，再用米紙夾着煎軟的年糕，即可享用。
貼士：用米紙夾着年糕，以免互相黏在一起。
糖冬瓜果凍
需時：10分鐘
價錢：$15/4人
材料：糖冬瓜8條、原味蒟蒻粉1小包、糖1湯匙、滾水1杯
做法：糖冬瓜切成小粒；蒟蒻粉混合糖，加入滾水中攪拌至完全溶解，倒入模具至8成滿，放入適量糖冬瓜，再將蒟蒻液倒進至全滿，冷卻後加蓋放進雪櫃，凝固即可食用。
貼士：此果凍可保存在雪櫃最多七天。
浸水15分鐘去糖份
要儲存中式賀年亁果，可以密封包裝，放在亁爽地方約1個月，放入雪櫃則可以長達3個月之久。至於用來烹調，據烹飪導師Rose講，由於糖冬瓜、糖蓮子等食物已經有充足的甜份，用來做甜品的話，可減少落糖的份量。若用來煮有鹹味的菜式，不妨先將它們浸清水約15分鐘，以去除表面的糖份。
健康一點的亁果
中式賀年亁果多用了大量糖去煮製，糖份頗高。除了容易引致肥胖外，還會影響正常食慾，而大量糖份更容易令體內的鈣質流失。所以吃這類小吃適可而止。若想食得健康一點，不妨以葵花籽、杏脯亁、蘋果亁等代替。
