韓國人氣組合東方神起前日開始一連三日喺首爾舉行亞洲巡迴演唱會，女星韓惠珍都有去捧場。為防止有人盜錄，大會要求歌迷入場前，放低所有相機同手提電話，由大會代為保管。不過，演唱會夜晚10點結束後，幾百名歌迷一窩蜂湧去攞番自己嘅物品，搞到現場一片混亂，有歌迷要等到凌晨4點至走得，唔少家長仲因為擔心子女而去咗現場搵仔女。