張文慈同亞視嘅經理人合約今個月就滿，𠵱家亞視為咗搞上市要整靚盤數，新年流流派大信封，身為亞視一姐嘅張文慈今日就會返公司同高層傾去留問題，佢話𠵱家同亞視坐埋一條船，下個月仲要拍《滄海桑田》，所以今年一定唔會離開。雖然唔會好似陳啓泰咁攞月薪，但如無意外張文慈都會同亞視間子公司簽約，事關佢哋畀到好大自由度。