「啋！喺條路中間搞嘢，小心車親呀！」「仲要係香艷無格仔喎！好心佢返歸先搞啦，係咪衰呢，俾人影埋相上埋網喇！」親子王國討論區兩幅題為「一對情侶之恩愛、親熱、纏綿」的圖片，兩條「性格開放」的蛇不僅攬攬錫錫，還當街當巷纏綿，令途人為之側目，網民反應熱烈，毀譽參半：「勁恐怖、超核突！」「好sweet喎！」
「咁纏綿，兒童不宜喎！」「我最驚呢家嘢，仲要打孖一齊嚟！」「真係未見過咁纏綿的情侶呀！」網友七嘴八舌，其中JJA說：「嘩！乜搞到出路中心㗎？我好驚蛇，講我聽嗰度係邊度嚟㗎，我以後都唔敢行埋去，佢哋生埋成竇，仲得人驚！」
貝貝則稱：「嘩，真係如膠似漆喎，不過俾我見到，第一時間做嘅嘢就係：閃呀！」