應屆港姐陳茵媺、周家蔚及呂慧儀昨日聯同EO2、江若琳、王浩信到銅鑼灣大球場參加保良局「慶回歸．賀新春」慈善步行，眾人乘坐花車進場，沿途和現場觀眾揮手拜年，不過呂慧儀因花車突然停下而險些跌倒，令她大吃一驚。
右腳甩骱
今個豬年陳茵媺可謂黑過墨汁，原來早前她為了大年初一的表演綵排，以致右腳甩骱，到正式表演時唯有死頂上陣，她笑說：「個個練得好辛苦，自己都要堅強啲，表演之後我都有睇跌打，點知呢幾日又感冒纏身，不過可能病完之後就成年都唔使病呢！」
此外，保良局副主席陳小寶對胞妹陳細潔的婚期表現十分擔憂，她說：「我都想佢快啲結婚，但係我對佢未來老公都有要求，就係要有善心同孝順，高大靚仔都係次要，如果我覺得啱都會介紹畀佢㗎。」
採訪、攝影：駱華齡