大概網友迷戀古裝片武林高手元神出竅嘅能力，竟發起一個投票post，問人如果識得元神出竅，第一時間想做啲咩。結果並唔係去整蠱人、偷嘢之類，接近兩成網友竟想乘機偷窺異性沖涼，呢個想法真係唔要得！不過亦有好多網友話，梗係第一時間搞清楚自己是否已去了「賣鴨鹹蛋」，因為有講法話人在瀕死邊緣先會靈魂出竅，咁如果生命已經去到盡頭，靈魂可能隨時喺呢個空間消失，咁梗係去完成未了心願啦！其中「未來人」就話怕「有出無入」，如果試過幾次可成功進出肉體，咁就「安樂晒」，可安心四處活動，周圍逛吓、摸吓，當係一種新體驗喎！
記者：小雲
網址：www.cyberxfiles.com/cgi-bin/topic.cgi?forum=9&topic=734