「今時今日咁嘅服務態度未夠㗎！」天王劉德華在廣告中所說的經典「金句」，近日被一名中年女子利用為「發爛渣」的免死金牌。該位阿姐日前大鬧康怡吉之島百貨，無理要求店員替其MP3機載入歌曲，又要求試用店內所有陳列手提電話。其惡行被拍上網後，即被網民冠以「吉之島阿姐」的惡名！
名為「吉之島無理顧客」片段分上、下集被上載到YouTube，全長約15分鐘。片段中「吉之島阿姐」聲大夾惡要求職員替其MP3機刪除舊歌和載入歌曲，職員以入歌是違法行為拒絕。
「搞到你好唔X得閒！」
阿姐被拒後隨即「發爛渣」爆粗，「劉德華廣告你都唔知？係唔係要我叫經理嚟？入吓歌都話唔得，唔好激嬲我，到時我要逐部試你哋啲電話，試完又唔買，搞到你好唔X得閒！」
片段近日成為網上熱門話題，點擊率高達七萬次，有網民形容「吉之島阿姐」無理取鬧程度直迫「巴士阿叔」陳乙東，「佢擺明玩嘢！」
店員：MP3唔係喺度買
本報記者到事發的康怡吉之島了解，店員透露：「佢成日都嚟搞事，好似嗰日佢嗰部MP3根本唔係喺度買，但就要我哋同佢入歌。康怡吉之島個個部門都畀佢搞勻，喺度做嘢冇人唔識佢，𠵱家佢一入嚟就有保安跟住佢！」吉之島發言人否認會將顧客列入「黑名單」，強調公司有指引予店員，如遇上侮辱和暴力行為可報警求助。