近排鹹蛋超人Mebius勁hit，唔知Suzuki係咪想食住個勢，所以馬上推出超人死敵—巴魯坦星人嘅「專用車」。
Suzuki最近推出嘅一款名叫Cervo嘅細車，據日本媒體做嘅一個訪問調查中，發覺原來有九成被訪者都覺得Cervo造型好似巴魯坦星人，就好似幫佢度身訂做嘅專用座駕一樣。被訪者普遍意見都認為Cervo一對頭燈與巴魯坦星人雙手嘅箝好相似，鬼面罩加上Suzuki嘅標誌又似頭頂嘅角，更甚是車身造型帶點邪氣，好似心懷不軌嘅樣子。
雖然好多消費者有咁嘅意見，不過實情係巴魯坦星人都有唔少Fans，Suzuki嘅細車咁好賣，話唔定呢個設計都係佢哋嘅市場策略之一；吖，唔知下次會唔會連幪面超人嗰邊，都會有車廠幫佢哋出番部「專用車」呢呵？
記者：周達之