連敗兩仗兼盤路全輸的巴塞隆拿，周日於西甲再度在魯營出戰畢爾包，筆者係拗頸，我唔信巴塞會連輸3場，但今役先首選1.72倍「大」，再取「讓球主客和」巴塞「-1」的「主勝」。（球賽編號：星期日37；有線61台明日4:00am直播）
畢爾包防線唔齊人
巴塞近期表現確叫擁躉失望，先後在聯賽及歐聯，同以1:2這個比數，不敵華倫西亞及利物浦。不過，賭波本身就是一項鬥氣的遊戲，追某球隊「反底」亦是其中一種投注策略。
巴塞今周將有主力廸高及森保達停賽，右閘比列堤因足踝傷亦缺陣，但伊度奧終出現在大軍名單上；近季往績所見，巴塞每逢錄得兩連敗後，第3場多數能勝出兼開「大」。
例子包括今季10月下旬連負車路士及皇家馬德里後，即在西盃及聯賽以2:1及3:0擊敗巴達隆拿及維爾瓦。至於上季亦曾連負馬德里體育會及華倫西亞後，於聯賽主場大炒貝廸斯5:1。
畢爾包目前仍有大量傷兵，包括中場古柏治、奧拜斯、羅拔圖廸高及後衞烏斯達列斯，守力削弱。不過，前場的耶斯廸及阿度里斯入球能力不俗，應可在主隊身上取得入球，故「大」為今仗首選。
文：畢傑