磨牙不是人類獨有行為，狗隻也有牙痕困擾，家有愛犬的網友chrishofung在Yahoo知識詢問：「點解狗狗成日只係鍾意咬毛巾同追住我隻褲腳嚟咬？」tracy61816961回應：「磨牙，『狗骨頭』比較硬，毛巾同褲腳比較軟，舒服啲嘛！」
本身也是狗主的動物地球總幹事黃繼仁說，通常狗隻在成長期，會受牙痕困擾：「佢哋除咗鍾意咬毛巾同褲腳，拖鞋都唔放過㗎！」黃說，市面有不少「狗骨頭」、麻繩和塑膠公仔等出售，狗主可以買來給愛犬止痕。
黃繼仁提醒狗主，有時狗隻咬物件，未必一定是牙痕：「有動物行為學家研究顯示，其實狗隻好似啲小朋友咁，平時喺屋企會悶，想搵啲『細藝』做吓，佢哋唔係想破壞，只係想表達自己思想嘅方式。」