踏入「火豬」年，新股潮火紅熾熱。豬年首隻上場嘅新股鴻隆控股（1383）首日股價升23.9%；第二隻接棒上場嘅滙源果汁（1886）更加氣勢如虹，首日升66%。滙源市盈率已升至76倍，究竟是否值得高追呢？有趣的是，10位專業股評人均認為滙源不值得高追，短期有輕微回吐壓力，宜候低吸納。不過，網上進行的調查卻顯示，四成散戶謂會高追。
滙源首日收報9.98元，升66%，每手賬面賺1990元，「買咗果汁嘅散戶真係收到封大利是」。
《香港討論區》內的投票選舉中，媚媚1981話：「有時啲嘢唔使咁驚嘅，講供求㗎啫。」高等華人仲囂：「PE唔使理，最緊要貨源歸邊。」即使網友鼓吹高追，但lc818就好理性，「9蚊追唔到，𠵱家要想一想，睇清楚，再打算。」
市盈率高達76倍
信誠證券聯席董事連敬涵表示，「唔識睇」滙源未來股價走勢，因一隻新股首日升幅達六成，尚屬正常；但對於一隻上市前PE（市盈率）高達45倍，已稱得上「貴嘅股」，首日升幅仍達66%，令他對「貴股」一詞解釋抱有疑問。他說滙源首日買盤強勁，料七至八成散戶已沽貨，貨源歸邊，「不排除股價可挾上去」，建議仍持貨者可繼續持有，但現時股價真的偏貴。
東泰證券研究部董事鄧聲興亦認為，滙源短期會回吐，料下跌一成，不過受惠其龐大市場佔有率及品牌形象鮮明，加上有內需概念，中長線目標價可達12元。滙盈證券董事謝明光稱，雖然大戶積極收貨，但市盈率過高，現水平非吸納時機。
轉吼中交中通信
股評人反建議投資者可買入具龍頭地位、獨特概念的半新股，因股價上升動力較持久。至於即將來港上市的新股，若有內需消費、基建及環保等概念亦可看高一線。
連敬涵指，中交（1800）及錦江（2006）股價已升逾一倍，估值不算便宜，兩股創新高後，短期會作出整固，待市場消化獲利盤後，相信仍有可觀的上升動力，建議買入。
時富資產管理聯席董事姚浩然稱，內地基建項目增加，有助提高中交收入，加上屬國內龍頭基建股，有大型基金追捧，交投遠較其他半新股為高；中通信（552）受惠3G概念及有關政策落實，增加對通訊基建的需求，中長線可看好。
申銀萬國投資基金經理黃國英表示，龍頭、獨特概念的半新股雖然偏貴，但其市值較大，防守性相應提高，盈利增長亦有保證，容易吸引基金買入。
新上市的如鴻隆及中國地產（1838），股評人普遍認為不宜買入，指兩股業務過度集中於單一城市，吸引力大降。即將來港上市的新股，預計具內需消費、基建及環保等概念則較受市場歡迎，新鴻基證券策略師彭偉新相信，若新股具上述概念，認購反應會相當熾熱。
亨達集團研究部董事黃敏碩則建議，可認購剛招股的三林（3938），料估值不算高，且具環保概念，宜作短炒。