美麗無罪，以前割雙眼皮都要「柄」埋，今日整容可以大大聲聲及巴閉到有代言人。好似呢期「燒定先」同唔紋身直頭威到痹，佢哋扯埋奇模落水，博多幾日新聞，再斬多四両都應該好心足要收手，點知阿「燒定先」真係上咗身。
「燒定先」去到啲派對即刻變sales，見到啲靚太名媛即刻hardsell佢嘅整容服務，個名太同佢講冇需要sayno，點知佢仲厚面皮游說對方呢個世界係冇完美，個阿太直頭㷫到出煙，你估啲阿太真係食飽飯唔使湊仔女咩，阿太即時笑笑口話第一個要去整容應該係「燒定先」本人，佢個唇咁厚，應該去將個唇瘦身切一半先再講。
撰文：阿蘇
此欄逢星期一至六刊出