「唔係吖嘛，咁都得？」2月14日西方情人節剛過去，正月十五元宵中國情人節即將到臨之際，網上流傳兩幅關於和尚日常生活的照片，令網友嘖嘖稱奇：一名身穿袈裟的和尚，在熙來攘往的大街上，手拖着一個年輕女子旁若無人地閒逛；另一個身材肥胖的和尚則在「機舖」中騎在電單車上，全神貫注地玩賽車遊戲。看過照片及網友的評論後，albert寬容地說：「和尚都係人嘛……」。
網友有時雖然很無聊，但耳目卻很廣，形成另類的傳媒監察力。繼早前有網友拍得和尚在快餐店吃雞髀漢堡包後，另一網友近日在網上討論區張貼題為「吊頸都要唞吓氣，做和尚都要放吓假」的兩張照片。
「係唔係佢個女？」
Gary若有所悟地說：「哦，原來和尚係一種職業，要放假㗎？」小華則看得張口結舌：「連女朋友都有？」
「和尚唔係要戒女色咩？」kitcat好奇地問。serene首先揣測說：「其實會唔會係佢個女嚟㗎？即係出家之前生嘅。」Ningningdavis則很玄地說：「和尚拖住嗰個，有可能係轉世高僧嚟…」，不過mandy就說得很明白：「好假的和尚！」
此外，靈魂旋律稱：「我有次喺大快活見到個和尚喺度食雞髀，呢個仲抵死，竟然騎電單車。」tung說：「哈哈…個和尚打機打到好入神哩！」「好抵死呀！和尚騎電單車，好型！」在wongkh的讚歎聲中，leon說：「勁呀，佢可能係偷偷哋去打機㗎咋！」
