「為甚麼人總會犯賤？得到時不懂珍惜，失去了才後悔莫及呢？」剛剛與拍拖六年的初戀女友分手的網友阿圓，近日在高登討論區心情沉重地承認，是自己「未玩夠」，見異思遷，不想一腳踏兩船才提出分手，但分手半個月來卻不快樂，即使與新歡拍拖也不很快樂……
阿圓說：「分手後，新的女友很愛我，我也很喜歡新女友，但常常回想起和舊女友一起的日子，她不煙不酒，不夜蒲，我放假多待在我家倚着我。當時我覺得她很煩，很『黐身』，每晚也要傾電話，我和朋友去玩也要跟着來。現在卻很懷念這些日子。新女友吸煙飲酒、落Ｄ、索Ｋ等差不多全部做齊，身邊還有一堆豬朋狗友，甚至時常跟追求者傾電話。」
「自己犯賤怪邊個吖？」「恭喜你舊女友。」在網友的揶揄聲中，YOSHI勸阿圓說：「掛住佢就回頭啦，兩個人能夠一齊六年幾實在不易，啲蒲女信唔過㗎！」kinkina接着說：「追番舊嗰個啦，唔好呃自己喇。」比比王說：「有時愛情呢啲嘢就係咁難捉摸，分咗手先知道自己原來咁愛佢。」
阿圓又說：「舊女友同我講過，如果兩個人真心相愛，無論過咗幾耐都會再走在一起。嗰一刻我覺得很內疚……」。
YOSHI最後歎息說：「唉……算啦阿圓，人點可以咁博愛㗎？如果你愛新女友就唔好返轉頭喇，不如諗吓點對佢好。你舊女友咁好，一定會搵到個好歸宿嘅。」