【本報訊】一輛私家車剛換了四個新車胎，昨日在荔枝角呈祥道疑高速掟彎以致跣胎失事，汽車撞毀一列「水馬」和鐵欄後，翻墮下路邊一個工地坑道中，四輪朝天，司機僅受輕傷自行爬出，經送院敷治後並無大礙。
事主姓張，30餘歲，昨日他駕車到灣仔一間車房更換了全車四個車胎，至下午3時許，當時汽車沿九龍呈祥道向荃灣方向行駛，至近荔枝角美孚新邨一個落斜左彎一個路邊工地旁之際，突然失事撞開一列共約10米長的「水馬」和鐵欄，全車繼而翻下工地四米深的坑道中，四輪朝天。意外中，肇事司機僅受輕傷，他自行爬出報警，事後被送院敷治。
駛200公里才「咬地」
香港汽車修理同業商會理事長李耀培提醒駕駛者，私家車一次過更換4條車胎後，要更加注意駕駛安全，尤其是新牌仔：「新胎喺頭1至200公里要『熱身』，呢段時間唔好開咁快，等待行順咗，啲胎先至會『咬地』，行一啲濕滑嘅路面好危險，容易跣胎，所以要預多啲距離煞車。」
李耀培說：「通常新胎打氣會脹啲無咁咬地，所以司機要留意行車時會唔會『扽』啲？否則要對番本身邊款車種，調校番適合嘅胎氣磅數。」李又說，有時工人換新胎後，大意忘記撕掉標籤，車主應在取車時自行檢查。