「射嬉婆曼姨啪two射喲！」韓語新年快樂咁解！宋芝齡是中韓混血兒，媽媽是韓國人，在韓國搞餐館，所以每逢過年，芝齡都會返韓國度歲。原來韓國人同中國人一樣都好重視農曆新年，今日就等芝齡同大家講吓韓國人過年煮啲乜嘢菜式啦！
記者：趙珮倩
攝影：周旭文
示範：公關經理李貞玉
金饍韓國料理（26280680）
紫菜年糕餃子湯
需時：15分鐘
價錢：$30/2人
材料：韓式扁年糕1両、豬肉/韭菜各2両、蒜茸/豉油/麻油/鹽各少許、水餃皮4塊、雞湯200毫升、翠玉瓜/大葱粒/洋葱絲/甘笋片各1/2両、蛋絲/紫菜各適量（裝飾用）
做法：將豬肉/韭菜剁碎，加入蒜茸/豉油/麻油/鹽調味，包上水餃皮；雞湯煲滾，下水餃和其餘材料滾起，最後放上蛋絲/紫菜點綴。
芝齡話你知
每次返韓國過年，媽咪嗰邊啲親戚都會包成100隻餃子，其中10隻，裏面會放咗個100圜（約港元8毫），我哋會鬥快食，睇吓邊個食到有銀仔嘅餃子，咁就代表好運嘞。
韭菜
售價
（a）$5.6/斤
辣醬炒年糕
需時：15分鐘
價錢：$30/2人
材料：韓國圓狀年糕6両、韓國魚皮1/2両、翠玉瓜1両（切片）、青辣椒/紅辣椒/大葱（切片）/蒜茸各適量、洋葱粗絲1両、辣醬1湯匙、麻油1茶匙、味粉/白芝麻各少許
做法：先將年糕浸腍，韓國魚皮切件備用；爆香蒜茸，下翠玉瓜/洋葱粗絲/青、紅辣椒/大葱片炒香，之後放年糕炒熟，下辣醬/麻油/味粉調味上碟，撒上白芝麻即成。
芝齡話你知
韓國人過年、開新店或搬屋，都鍾意送炒年糕畀鄰居，寓意步步高陞；新年最忌就係煮海帶，因有下滑之意。
翠玉瓜
售價
（a）$5.6/斤 平之選
（c）$5.9/斤
韓式燴牛肋骨
需時：1小時15分鐘
價錢：$60/2人
材料：牛肋骨2磅、栗子4粒、冬菇2隻、甘笋/白蘿蔔各3件、薑1片、蒜茸1茶匙、片糖/砂糖/黑胡椒/味粉各少許、豉油3湯匙
做法：先將牛肋骨過冷水洗淨；甘笋/白蘿蔔烚熟備用；爆香蒜茸/薑，將栗子/冬菇略炒，加入豉油/黑胡椒和3飯碗水，煲滾後下牛肋骨/片糖/砂糖/味粉，以慢火燜約1小時，最後下甘笋/白蘿蔔，待滾起即可。
芝齡話你知
韓國人傳統認為牛肉係比較矜貴嘅食物，所以平時較少食，但過節就一定會煮嚟食。好似我舅父屋企就會煮成桶牛肋骨招呼親友，仲會煲牛骨湯㖭！
牛肋骨
售價
（a）$15/斤 平之選
（b）$6.9/100g
（c）$22.8/300g
雞一隻
需時：40分鐘
價錢：$90/4人
材料：鮮雞1隻、娃娃菜1束（切片）、白蘿蔔絲/韓國扁年糕各2両、薯仔1大片、鹽/雞粉各少許、雞湯1公升、泡菜/韓國烏冬各適量
做法：先將雞烚熟，在雞背位置剪一刀，插上一塊薯仔；娃娃菜/白蘿蔔絲/韓國扁年糕放鍋底，然後放入雞，倒入雞湯滾起；然後淥熟烏冬，放鹽/雞粉調味，食用時伴以泡菜。
芝齡話你知
韓國人都好鍾意食雞，過時過節都必定要有雞上桌。
雞
售價
（a）$36/斤
（b）$32.9/隻
（c）$58/隻
（d）$29.9/隻 平之選
南瓜湯圓
需時：1小時
價錢：$15/2人
材料：南瓜3両、薑2片、片糖1/2片、冰糖少許、芝麻湯圓6粒（可買現成的）
做法：南瓜/薑/片糖/冰糖放入鍋，加入大約1公升水，慢火煲大約1小時煮至糊狀「南瓜湯」；湯圓分開滾熟，放南瓜湯同食。
芝齡話你知
韓國人同中國人一樣，過年都鍾意食湯圓，團團圓圓好意頭。
南瓜
售價
（a）$4/斤 平之選
（b）$2.6/100g
（d）$28/磅
超市/街市資料
a.沙田沙角邨街市
b.西田百貨26941111
沙田新城市廣場3期2樓
c.惠康27516546
牛頭角淘大廣場第3期地下309至336號舖
d.百佳22435892
九龍灣德福廣場P27號地舖