原來不少藝人是《逃》的擁躉，古天樂、陳冠希（Edison）和張家輝均十分期待追看第二季的劇情發展。
古天樂：「睇Season1時，我已經覺得呢齣劇好有水準，喺一個監獄咁狹窄嘅空間，可以寫到咁精采嘅場面出嚟，真係好考功力。第二季我仲未有機會睇到，但我上網睇有關Season2嘅劇情介紹時，都幾期待睇，因為我都想知道Michael同Sara段感情有冇得發展，佢能唔能夠幫大佬翻案。」
Edison：「Season1播映時，我睇完已經話好好睇，一路喺度等緊Season2，但香港仲未出正版，所以我未睇到。𠵱家美國都未播完Season2，等播完之後，我先至一氣呵成買嚟睇，唔想喺電視逐集逐集追。」
張家輝：「我睇過第一季後，已經好期待睇第二季，但一直未有機會睇到，不過我都有留意第二季嘅劇情介紹，知道Michael兄弟成功逃獄，仲搵緊證據去證明自己清白。我覺得第二季劇情幾精采，比第一季仲多嘢玩，因為唔使局限喺監獄，發揮空間梗係多啲！」
