「自從大學開始，為咗唔令同學仔唔開胃，我想每日都以唔同款嘅衫返學，就開始有鋪買Tee癮。實在太怕着恤衫嗰種侷促感覺，方便扎扎跳，就幾時都係Tee加牛記最舒服。過年前去完澳洲，原本諗住入Stussy，不過嗰度係夏天，香港就係冬天，為怕啲Tee會Out，所以就無特別去搵，反而去咗搵啲有特別Print嘅Tee，唔怕同人撞衫又有型，就算唔着留個紀念買個回憶都好。今次最開心係買到件禮服Tee，夠玩味，我去飲謝安琪嗰餐都係着佢。
記者：梁學文、劉昱蘭
攝影︰林栢鈞
TuxedoTee
邊度買：澳洲
幾多錢：約$220
Leo：「平時去飲或者做婚禮MC，唔想打呔，有呢件Tee就SmartCasual得嚟，又玩味十足。一件Tee好唔好睇就真係靠晒啲Print，Print咗Tuxedo，Tee都可以變Formal返啲。我買咗即刻着，仲有個外國人行埋嚟問我喺邊買，呢件肯定係我呢排BestBuy。」
本土特色Tee
邊度買：澳洲
幾多錢：約$50
Leo：「Tee上面小心袋鼠嘅路牌真係好Cute，見到架車又會諗起澳洲人好鍾意四圍駕車野餐露營生活。呢件Tee唔着㗎，齋用嚟留念，即係好似香港人唔會着女人街ILoveHK衫咁，以前第一次去日本都試過買咗娘Tee，見廟內賣緊印住『一番』嘅Tee，字款幾靚就買咗，後來先知『一番』係解『一流』，邊有人着住『一流』周街走咁戇居㗎！」
Mr.Ttee
邊度買：澳洲
幾多錢：約$220
Leo：「我幾鍾意人頭Tee，X-Large之前出咗愛因斯坦頭配猩猩身Tee我都有買。細個睇《通天奇兵》經已好鍾意Mr.T，呢件人頭大Print好搶，喺香港好難搵，買番嚟肯定唔怕同人撞。」
