煎炒煮炸焗蒸燜燉各師各法，惟有煮出真功夫、令味道與健康達至合而為一的境界方為大師傅，曾主持多年烹飪節目的方太方任莉莎絕對實至名歸，她更為大家提供三款意頭極好的食譜：包羅萬有（鮮鮑東坡肉）、竹報平安（魚蓉枝竹）和大展鴻圖（蟹黃瑤柱素翅），寓意來年富足，口感豐富又不失健康，大家不妨試試。
方太說：「潮流興健康，所以三款菜都用咗好多素菜，但中國人過年都要有啲肉，所以就用五花腩做咗東坡肉，不過就去咗皮，等個菜冇咁肥膩。」這款鮮鮑東坡肉只需將鮑魚和腩肉洗淨飛水，用油爆香薑葱，放下肥腩煎出油，轉放入砂鍋，煮熟後改用小火燜至半腍，再放鮑魚即可。
採訪：何永寧 攝影：林德雄