古巨基昨日到銅鑼灣時代廣場出席「金龍醒獅賀新歲」，他除了負責點睛外，更即席舞動龍珠。基仔表示新年與朋友攻打四方城贏了幾千元新年財，他說：「我係同啲朋友打吓衞生麻雀，不過由於我着住唐裝衫賭錢，啲朋友見我贏錢，就稱我為『大天二』。」
拜年被問婚期
基仔又指拜年時免不了被親朋戚友追問婚期，他一向都有一個標準答案，他笑說：「今年好多朋友叫我出年好快啲正式派利是，每次啲人問我幾時結婚，我都係嘻嘻笑咁帶過。」
此外，基仔透露由10多歲開始收到利是都沒有用過，所以家中有很多利是錢，他說：「我咁多年都係一罐罐儲起晒啲利是，我諗𠵱家應該有一層平平哋嘅樓嘅首期。」
採訪、攝影：李珮洳