家陣啲汽車導航系統，地圖資料大多係儲存喺DVD裏面，通常每半年先至有得換DVD嚟Update，不過市區發展得咁快，日日修路日日改道，地圖Outdate就即係有等於無。最近日本嘅Toyota就着手開發一種可以即時更新的導航技術，叫做「MapOnDemand」，系統會因應車主要求而經無線電話網絡嚟下載某指定區域嘅最新地圖資料，令汽車導航系統時刻保持Update。
或者你會問，點解唔索性一次過Update所有地區的資料呢？皆因人哋外國地方大嘛，唔需要去嘅地方就無謂嘥電話費兼嘥時間Update，不過香港地方細細，如果將來引入呢套系統嘅話，要一次過更新全港資料相信亦唔係難事。
記者：周達之