今日是年初七，人人都生日，雖知屋企還有蘿蔔糕及年糕，可是日日食都會厭，不如齊齊食餐大家最愛的日本菜，而靚仔新進歌手陳柏宇（Jason）仲有好介紹：「我最鍾意食香口嘢，近排要食當造日本魚喜知次，齋燒唔落調味料，魚肉先夠原汁原味。」
記者：梁學文
攝影：周旭文
古董打造金箔招牌
新開業的富囗，中文解釋是富貴，新正頭來吃可以攞番個彩。睇門口個金箔招牌就知道富貴，一般的是用木或膠做，最多掃上金油打造「金漆招牌」，這裏就用真金鋪滿招牌，目的都是吸引客人內進。金箔招牌是一件古董，原本是一艘有70幾年歷史漁船的門，餐廳就用了5位數字改裝做招牌。餐廳內還有另一件叫「匠」的古化石，據稱有3萬年以上的歷史。食飯前欣賞幾件古董，先飽飽眼福。
用料夠新鮮
講到用料，師傅Andy話：「我哋嘅魚同蔬菜都係新鮮，尤其係啲鮮魚，每日搭飛機嚟。我覺得最重要係客人食得開心同放心，一定要令客人感受到食物嘅品質。」Andy曾經在半島、香格里拉等大酒店做過廚，15年的經驗使他有一流的刀工，所以他最拿手做壽司和刺身。
罕有古酒只剩3支
有上佳用料做出美味佳餚，再加杯好酒就更好。食日本菜當然要配Sake，店內清酒的款式夠多又罕有，最值得一試的是古酒，97年釀成，有10年歷史，味道似中國的加飯酒，用來配日式漬物就一流。別以為古酒價錢一定好貴，只售$500支，想試就要快，因為極罕的古酒全港只剩3支。
學整加州卷 唔掂！
喜知次小檔案
喜知次是棲息於日本北方的深海底，主要來自日本北海道及東北部。只會在水深200至600公尺的寒帶深海至搵得到，所以極為矜貴。喜知次背鰭上面有一道黑色斑紋，食的時候要認清楚，咪以為是大眼雞。肉質含有豐富脂肪，魚油和膠質都十分豐富。
燒喜知次$700
（因時價而調整）
雖然喜知次的賣相不是太討好，不過味道就真的一流。魚肉入口好滑溜仲好鮮嫩，而且鮮魚味好重。喜知次燒過後味道更香口，表皮少少脆，燒過後就多了一重燒烤味，令鮮魚更加惹味。喜知次是冬季轉入春季才有的魚，想食就最好趁時機，因為在這個時候味道最好。另外師傅話唔加任何調味料，燒熱食好過食刺身，因為燒過更能夠引出魚鮮味。
a.蒜片牛柳粒$180
（$80/oz澳洲和牛肉）
蒜片牛肉有美國牛肉及澳洲和牛肉選擇，澳洲牛肉質較好，且肉味較濃；而美國牛亦不錯，最窩心的是師傅將牛肉裏的筋全部挑走，食的時候唔會黐牙。
b.芝士雞$55
這款西日Fusion菜，師傅選用雞髀肉，先拆骨起肉再落鑊炸熟，然後加入自家製日本汁和紅酒，令雞肉甜甜哋，最後就加芝士和青瓜再焗，一上枱就有一陣好重好香的芝士味。
c.凍豆腐$50
豆腐夠香滑，囗一聲就滑入喉嚨，嗒真原來還有蟹子、三文魚子同三文魚，令味道清淡的豆腐變得豐富。再加入用上3個國家汁醬搭配成的醬汁，有少少辣兼帶酸甜，好開胃。
d.3色壽司$160/2件
$80/件的3色壽司之所以價錢高，其實因為用了吞拿魚腩、海膽同三文魚子等材料，一放入口就有3重口感，先是三文魚子的彈牙爽口，再來海膽的鮮甜，最後是吞拿魚的香味。
陳柏宇Profile
今年23歲的陳柏宇，在加拿大長大，05年回港發展，因為一首歌《固執》（即日劇《一公升眼淚》主題曲的中文版）而被人認識。華語精選碟《Foreverlove》廣告的男主角就是Jason。現時Jason正忙於籌備首張專輯，預計於07年第一季推出。
睇路搵食
富囗日本料理（28382260）
地址：銅鑼灣駱克道393號
座位：約70個
營業時間：11am-2pm、6pm-1am