薛凱琪（Fiona）農曆新年時放棄與朋友出埠度歲，乖乖留港養好聲音和保持身段，皆因年假後她將灌錄新碟和拍攝MV，Fiona日前說：「冇理由同朋友去旅行，日日就喺酒店房練聲，同埋我一出外，個人放鬆晒，會不停咁食嘢，食到肥晒點拍MV呢？玩到個心散晒，唔知點做嘢。」
逃離緋聞
問Fiona的新年願望是否希望與緋聞男友房祖名劃清界線？她說：「其實我覺得唔關佢（指房祖名）事囉，就算我同邊個出街都可以有緋聞，我唔想人哋覺得我只得呢啲花邊新聞同緋聞。」談到今年大計，Fiona說：「今年我會出國語碟，希望普通話講得流利啲。我最怕自己冇進步。」她更表示已報名學唱歌、跳舞和瑜伽，比平時工作還要忙碌。
採訪：胡比 協力：楊潔雯
攝影：陳慧安