呢排城中各玄學家、風水師頻頻出鏡，充斥電台、電視、雜誌、報紙，不過最惹人談論嘅要數早排俾人話睇錯羅庚嘅麥師傅，同埋港姐出身嘅新紮風水命理師戴子珽！唔少網友大讚戴子珽樣貌標致，仲話佢真人仲省鏡！可能有網友知道戴子珽改過名（佢選港姐時叫歐芷婷），竟然一齊分析吓佢呢個名有咩玄機，網友鐵公就話戴子珽名字帶桃花，「戴子」二字有「食神吐秀」、「文昌照命」，改得幾好咁話；不過wwm就話「子」為水、「珽」為土，水土相濁，都係麻麻。至於網友覺得戴小姐的算命功夫到唔到家？就如HAPPYmm所言，功夫得唔得就唔知，不過對住個後生靚女聽命理係開心好多嘅！
記者：小雲
網址：www7.discuss.com.hk/viewthread.php?tid=3448975&extra=page%3D2&page=5