無綫賀歲劇《迎妻接福》演員包括謝天華、鍾嘉欣、向海嵐及黎耀祥等，昨日出席將軍澳新都城中心舉行「迎妻接福之福星高照賀新歲」，一班演員與民同樂，台上開賭「玩大細」，大送金豬。鍾嘉欣又即席獻唱該劇主題曲，表現淡定，嘉欣說：「係啊！之前唱都好緊張，試過出錯，之後同自己講唔好咁緊張，所以今日就當同成班朋友唱K。」
收視睇後勁
謝天華第一次擔正做男主角，不過新劇平均收視只得26點，謝天華解釋說：「都係我預期之內，政府都公布有成四分一香港人出埠，不過新年假期過，劇情又開始轉入直路，我都有問過街坊，又上過網八卦吓，啲feedback都幾好，起碼冇人鬧，仲話幾好笑，所以唔擔心，有後勁。」
此外，向海嵐新年新開始，即發了新年財，她說：「新年同朋友同屋企人打麻雀，場場都贏，真係好運，所以今年財運好，我都諗住買基金投資。」
採訪：楊潔雯
攝影：陳順禎
