恭喜李超人，搞咗兩個幾月，檔和電國際終於得償所願，以111億美金嘅天價，將印度西施HutchisonEssar賣畀英國佬。幾驚佢好似寶貝仔咁，搞半年反轉成個香港之後乜都賣唔出。而響呢單由狗年拖到豬年嘅大刁，和黃會有成160億落袋，除咗名副其實發過豬頭，呢鋪更可算係超人畀寶貝仔嘅「身教」，等佢知道乜嘢先叫做真正做刁高手！
又一次締造神話，兼夾袋咗咁多，油魚超人亦冇賴低班小股東，派成每股6.75元嘅特別股息畀和電股東，絕對係福有攸歸！唔單止咁，噚日和電CEO「呂仔」呂博聞開記招講派息，可能新正頭兼值得慶賀，所以大派50蚊百佳禮券嘅利是畀在場記者。咁點解唔係屈臣氏或豐澤禮券？以超人咁精密嘅生意頭腦，梗係希望引大家去百佳幫佢踩番旺個場啦！
[email protected]