東亞銀行（023）舊年至今股價表現大勇，喺狗年就已經升咗接近一個double，噚日就收47.75元，冇升跌。舊年公司純利達34.35億，比05年增加24.9%，股價同公司業績都有表現，既然交到功課，主席兼行政總裁嘅李國寶，舊年自然有加到人工喇，06年董事酬金就去到2704.5萬元，比05年多咗成338萬元，加幅14%。若果東亞主席今年薪酬加幅可以同員工看齊，華華諗東亞啲員工今年都會十分開心。
不過睇真啲，其實寶哥哥冇加咁多，只係認股權證喺股價水漲船高下，價值就多咗成4倍，達477.4萬元；人工實質只加咗4.77%至756萬元，反而酌情花紅就減少咗5.66%至1380.4萬元。
[email protected]