屈福特同來訪嘅韋根前晚合演英超護級戰，前者由20分鐘開始因對手後衞賀爾領紅打多一個，但最後被迫和1:1，兩敗俱傷。屈福特捉到鹿都唔識脫角，抵佢哋繼續包尾；排尾四嘅韋根雖然攞到1分，但幫助唔大，事關如贏波優勢可由6分增至8分。嚟緊禮拜六尾二嘅查爾頓會對尾三嘅韋斯咸，屈福特同韋根求神拜佛都希望呢場波打和啦。