曾經效力過英超阿仙奴嘅西甲維拉利爾中場皮利斯，雖然已經同「兵工廠」冇晒轇轕，但話晒都踢過6年，而佢嘅球員黃金年代都係效力呢間球會，點都有啲感情。英國傳媒報道，皮利斯近日喺英國置業，邊度都唔揀，就係要揀高貝利（阿仙奴以前球場）舊址，家陣起緊樓嘅地方置業，緬懷佢當年留過好多腳毛嘅地方，果然念舊。