上周推介大家捧西甲「黑盤王」塔拉戈納對家，幸不辱命，桑坦德最後大勝4:1，波盤齊贏；塔軍輸波過程一如前仗，都領先過一球，不過桑坦德不愧西甲「紅盤王」，連轟4球反勝。
今日重心就係追荷甲「黑盤王」荷華高斯對家。荷華高斯已經「稱霸」荷甲「黑盤王」一段時間，上仗有主場之利，都可以受讓燕豪芬球半，已經顯示被莊家完全看淡；荷軍都算生性，守到90分鐘都只係輸0:1，諗住有權贏番次盤，結果都可以喺補時輸多粒，買上盤嘅球迷真係笑到收唔到口。
今次荷華高斯作客鹿特丹斯巴達，斯巴達近期主場嘅盤路真係幾「靚仔」，近4仗3贏1走，打和過燕豪芬、大勝川廸3:0，真係唔講得笑。海外莊家今次開出斯巴達讓荷華高斯半/一，足智彩例牌開讓球主客和，簡單捧斯巴達主W，唔好貪心估佢贏一球定兩球嘞。
值得一提，德甲「黑盤王」漢堡，已經連𡁻兩個盤，短期唔好同佢作對，睇多一、兩次先出手。
文：牽牛