英冠高車士打今季踢主場聯賽，入球有保證，已經連續16場有波入；周末高車士打迎戰對手，正係今季客場聯賽入球能力麻麻嘅般尼。兩軍主客場數據分別亦幾大，高車士打主場制勝率高，般尼作客就相反，今仗大可向高車士打贏波戰果埋手，取主隊勝1:0。
奧咸迎弱旅和味濃
英甲次席球隊奧咸，今季主場聯賽16戰得10勝3和3負，制勝率算唔錯。該隊今周於主場迎戰嘅對手，雖係排名尾3嘅般尼茅夫，但般尼茅夫今季客場聯賽不敗率甚可取，只係唔識贏波，和局戰果頻見，迄今16戰得1勝8和7負。今仗和局波膽有啲分頭，即管向1:1呢瓣出擊。
下周日英超場合，布力般流浪主場對樸茨茅夫，可謂勢均力敵之戰。兩軍今季整體表現，當以暫時喺聯賽榜排名較高嘅樸茨茅夫好啲，但佢哋今場作客，戰力稍減，布力般唔係無機會搶分啫；但想布力般贏波亦唔易，話晒周中佢哋至踢完歐協盃，始終爭啲。雙方近期戰績，亦少見贏波戰果，即係各無制勝能力，呢場除捧「半場主客和」樸茨茅夫「半場勝」外，又係捧和局波膽好時機，一於博2:2。文︰華度