曼聯翼鋒基斯坦奴朗拿度（C朗）喺禮拜二作客法甲里爾場歐聯，喺67分鐘被換出由沙夏入替，但佢對領隊費格遜嘅決定好唔滿意，一腳踢落邊場嘅膠水樽度，好衰唔衰整瘀自己隻右腳，要紮住返英國，嚟緊喺禮拜六作客對富咸場英超都未知踢唔踢到。C朗呢個故事教訓我哋，咪立亂搵啲死物嚟發脾氣，到頭來隨時自己受番晒。