熱刺自從隊長中堅京治因傷缺陣之後，球隊一直無法喺聯賽保持清白之身，自從舊年10月作客打和屈福特0:0，至今場場聯賽有失球。前晚作客對愛華頓，又被球證蘭尼「整蠱」，將旁證舉旗示意愛軍前鋒安尼捷比越位，誤判為熱刺守將犯規，俾愛軍阿廸達藉呢記罰球射入！好在最後熱刺都贏波，否則熱刺躉真係多得蘭尼呢位黑人球證唔少囉。