先祝各位豬年快樂!剛過的年初二，我留在家中欣賞07年NBA明星賽，單看數字，全場比賽總得分係285分，算是1場很過癮的比賽，但我整個早上都呵氣欠欠，主因東、西兩岸各缺少1個創造性後衞，就是網隊的傑特及太陽的尼殊，令落場球員只懂個人得分，欠缺組織，減低可觀性。
站在球迷角度，我只想睇令人嘩一聲嘅「拆你屋」，令人估不到嘅「nolookpass」，然後大力入樽，這才是明星賽。反而今年每間球會被選出來的啦啦隊隊員更好看，她們隨着音樂舞動身體，那種忘我表演，為我新一年注入強大力量，要努力向前。
同時段另一收費台重播93年明星賽，當年之球員先稱得為「星」，還看現今籃壇，球員基本功不紮實，又無過人特色。希望新一年球員身體健康，在自己範疇獨當一面，做場好戲畀球迷看。笠嘉
〈NBA球迷講場〉嚟喇。各位讀者有任何關於NBA、甚至係本地籃壇嘅意見，都歡迎來稿至[email protected]。緊記字數不可多於350字，並須附上真實姓名及電話；文章一經採用，即可獲NikeT恤乙件，得獎者將獲電郵通知。