由梁洛施同可愛教主楊丞琳主演嘅《刺青》，啱啱喺柏林影展上得到有「同志電影奧斯卡」之稱嘅泰廸熊獎最佳劇情片獎，兩位女主角都好開心。今次兩女為部戲作破格演出，除咗有唔少親熱纏綿鏡頭之外，連海報都揀佢哋緊緊相擁為主題（圖），梁洛施背部嘅刺青標誌住一段矢志不渝嘅愛情，部戲4月中會喺香港上映。